How To Find a Job
For Tedim Readers

Na Sepna Bang ci muh ding; I na sepna khempeuh ah,eite in ciaptehna thuman khat i bawl kul hi.tua pen James laisingtho sung ah,"tu in pai in,tuni or zingciang khuapi sung ah pai ning ci te aw,leh kum khat sung in van lei van zuakna leh ngahna.... tua tawh ki sai-in,na gen ding in,Topa deihna a om leh,i nungta ding a,hihna sem in or tua va sem in"James 4:13,15, Tua a hih man in,

eite in Topa taisan in na sepna vai buai luat huai lo hi,bang ci na sep ngah ding or bang ci na sep hoih mu ding,ci-in i buaipihna khempeuh ah:eite in Topa lamlahna i ki sam tawntung zaw hi,a hih hang in na sep muh ding pen thupi mahmah hi,tu hun ciang in USA ah na sepna muh hak mahmah ta in,a pilpen len siam pen te na ngawn in na sep a muh loh hun a hihi.

Tua a hih man in na sep na muh na ding kalmasa pen in,Pasian in na sep zong ta ding in kong khak hon thei cih a hihi. A nihna ah,na sepna khat peuh ah nang leh nang a sem thei ding in ki thawisa in na om det ding thei huai hi .America te ki thawi dan khat pen na sep zon teh a hoih thei pen in resume bawl ding a hihi.Na sepna phual tampi mah om in, awltak in ki zong thei hi.google ah lut in resume zong lecin,resume bawl dan tuamtuam na muthei ding hi.

Tu in na gam uh ah hi bangdan in laibawl cih na theikha kei mai ding a,a hih hang in america ah hibang dan bek in na ki sem a hihi. Hi bang dan an bawl ciang in,na siam deuhna hang in,a beisa na sepna mun ah,gentehna in,40% bang meetna ki mu cih dan in ki bawl hamtang a hihi. Tua a hih man in,Resume na bawlna ah nang leh nang ki phat tawm thei ding thupi hi,a hih zong in asia gam te ah ki phat tawmna pen thupi ki salo a hihi.Hih ki phattawmna pen,ei leh ei ki hihsakna bang in a ki nei tawh ki bang a hihi.

A hi zong in America te in,"Computer typing siam ing or computer sung ah install bawl siam ing,or phone pan mi hopih siam ing"cih bang in ki gen uh a,hi pen ki hihsakna lam in la lo uh hi. Hi bang in nang leh nang ki phatsiamna nei thei kei le cin,na sem hong cial ding boss te in bang hong ci deih thei ding hiam?nang leh nang na siamna leh pilna ki gen ding zum ngaihsut in om le cin,hong ki theih sak lo ding hi.

Tua a hih man in boss te hong deih theihna ding in na septheihna ding leh na sep siam dan ding ki muanna nei tak in na gen kul a hihi. Tua khit teh,na sepna nunung pen bang hun hiam gentehna in,November 2006-December 2008,leh company min,supervasor min,boss pa min,a mau bang ci contact thei ding,(phone#,web address)leh nang bang lam na sep sem,tua company ah na tavuan nei kha cih bang,gentehna in,team memberte thahat theihna ding in panpihna pia

A meet a phung a khangna ding lam sang sem,na sep hun geelna lam sang sem ka hih man in boss pa lungdam mahmah cih bang a hihi.A hih hang in nang bang ci sep in bang ci matut pih cih zong gen ding a hihi.Tua leh 2006-2008 sung sem,2003-2006 ki kal bang sem in bang hang tawp cih bang dan pen a beisa na sepna thute thei nuam ding uh a hihi.Job 4:55 Tua khit teh,na resume nuai nung pen ah,na mimal uukna,gentehna in, ice hockey ki mawl uukna nei,postage stamp kaihkhop uukna nei,ta thum nei,nang award ngahna cih khong gen ding hi teh. Mi khat peu in interview hong bawl ciang in,ken hi pa/nu ka ngaihsutna ah hi mipa a ki fit hiam cih ngaihsun ding uh a,gentehna in,"Ki mawl ut keng,ka lawmte ki mawl ut thei mahmah uh ci le cin,interview hong pia pa in,a lungsim sung ah hong deihlohna khat ompah ding hi.A hi zong in ki mawl uuk hamtang pah ding cihna hilo in,ki mawl uukna nei na lawmte tawh zong a ki thuah theina hihna na gen ding pen thupi phot a hihi.

A ban ah,na education zong na gen ding hi,high scholl zawhna tan,sang na kah kei leh zong or tan sawn na zawh kei leh buaih ngah ing ci-in na gen kul lo hi.A hih hang in gentehna in,1985-1987 ki kal high school ah kah ing ci-in na gen thei hi.GED na ngah leh leh GED cci-in na gelh kullo a,High school graduate ci-in na gelh ding hi. Tua ban ah,collage zawhna khat peuh na neih leh,na resume ah na koih ding hi,bang hang hiam cih leh hih in pen them khat hong etsuaksak tuam a hihi.America ah collage cih ciang in nang pen laisin khat peuh leh ki pattahna khat peuh a sangthei ding in hong um uh hi,

collage kah laitak na hih leh zong or collage neu khat peuh ah na kah zong in gen le cin,phattuamna khat peuh om thei a hihi. A tawpna ah,Resume nuainung pen ah(miten mihoih ci-in hong gen gen sak ding reference mi na koih ding hi)a nmau phone # a mau min leh email,tua hi leh boss te in a mau na sam in na hopih ding uh hi. Tua a hih man in,Resume phah dan manta;

Tun ah Interview bang ci hong pai ding cih i ki gen ding uh hi.America ah hun thupi sak mahmah uh in a hun lian a na tung hi,gentehna in nai 8;00 a tung ding or nai 10 ah tung ding a cih uh leh tua lian in na tun kul a hihi. Interview na pai ciang in application na fill-up ding a,tua sung ah social number,na inn address,phone number cih teng na gelhna ding mun om ding a hihi.

Tu in american hong hong tung in,english na siam zawkna ding in na ki sinkul a hihi,bang hang hiam cih leh broken english zang na hih man in na gen khempeuh miten tel khin lo uh hi.Tua English class na kah theihna ding in ESL class om a hihi.Tu in inn ah om in TV en in,Pasian tung ah na sep muhna ding na nget hang in na zon kei leh na mu kei ding hi Interview na pai ciang in,interview hong pia pa khutlet ding hi teh,a hih hang in na lawm lui a hih leh khut ki len nawnlo in,khut tum khat leh khat damtak in ki sutuah sak ding hi or noodle type handsake cih dan tawh sem lo ding hi teh,khat leh khat ki lawm tak mahmah na lim tawh khut len in good morning,how are you doing in ci ding hi teh.

Batthamlo in,puan hoih na neih pen silh in,pasal na hih teh neck tie ok ding,numei na hih leh a ki lawm thei pen puansilh ding,hun khem peuh ah a ki lawm thei pen na ki zepbang in ki zem ding a hihi. Tu in,interview na bawl ciang in,interview hong pia pa mittang mahmah et ding a hihi.A hih hang in nogam lam ah mimit tang et pen ki tona khat bang a hi zong in,america te in tua bang in ngaihsun lo uh hi.Tua a hih man in a mittang na et kei leh ki suanna khat nei hi-in teh ci-in hong ngaihsun thei uh a hihi.

Tu-in mi maitang mahmah en in in,nuihmai ding thupi a hihi,tua bang lai tak in Pasian kiang thu ngen lecin,Pasian in na lampi ding hong honsak ding a hihi,a zenzen in na interview bawlna ah ngahna na neih kei leh Pasian in lemsa lo cih hi lel in,interview hong pia te tung ah na mai mialna leh na dahna te lang sak lo in,kamnem pen leh thudam pen mah in hopih in positive tak in na om veve ding thupi a hihi. Tu in american ah internet zang in monster.com,dallasjobs.com leh google search ah pai in job ci le cin na sep zonna webside pawl khat na mu ding a tua tung tawn in na resume khak in na sep na zong thei ding hi.a hih hang in alaska ah na sep apply huai lo inna sepna khat peuh na dawp teh sum piakkul a hih leh zong na lut kei ding hi.

HIh dan webside khat peuh na lut ciang in email account na bawl ding a,tua pan in a mau na email tung tawn in na sep hong hilh ding uh hi. Tua babg in na bawl ciang in,en kik le cin gentehna in,truck driver cih bang na mu ding hi,a hi zong in limtak sim in,na lunglutna a om leh ut ing,ka min,ka phone cih bang in koih le cin,hong dawn kik ding uh hi.